Alazne Astorga

Alazne Astorga aktorea eta sortzailea da. Bere ikasketen artean nabarmentzen dira: kameraren aurreko interpretazioan Masterra Bizie eskolan, Urko Olazabalekin; interpretazio mintegiak Andrés Lima eta Manuel Morónekin Corazza eskolan; Oriol Plarekin La Abadian; Alessandra Garciarekin Oliteko jaialdian; ADEL (Euskal arte dramatikoaren laborategia); eta Meisner teknika Javier Galitó-Cava eta Neus Suñerekin, besteak beste.

Guzti hori ikus-entzunezko eta antzerki munduko lanekin uztartu du, nabarmentzekoa BAT laburmetraia, Ane Berriotxoa zinemagileak zuzendurikoa eta Cannes jaialdiko katalogo batean hautatua. UXINA, Lucía Ezkerrek zuzendurikoa, zeinarekin Ledesmako nazioarteko zinema jaialdiko aktore onenaren sarirako izendatua izan den, edo gaur egun ATX teatroa konpainiarekin lantzen ari den MARMARRA antzezlana.

Gaur egun bere lehen film luzea garatzen ari da, “YOLANDA”, benetako gertakarietan inspiratua. Yolanda González Fuerza Nueva taldeko bi kidek hil zuten 1980ko otsailaren 1ean.