Itsaso Pol

Oñati, 1993. Arte eszenikoak eta ikus-entzunezkoak ikasi zituen Madrileko Nebrija Unibertsitatean, Londreseko Regent’s unibertsitatean burutu zuen bere azken urtea eta 2016an graduatu zen.

2017an, Madrilen bueltan,  Septima Ars zinema eskolan zinema zuzendaritza ikasi zuen eta, bere urte bukaerako proiektua, “Caja de Cerillas”, Madrileko PNR festibalean, FEMMES sekzioan, izan zen hautatua. 2018an publizitate eta fikziozko filmaketetan hasi zen lanean eta 2019an casting munduan sartu zen casting laguntzaile bezala “As Bestas, “Antidisturbios”, “Azken Erromantikoak”, “Cerdita”, “Intimidad”… bezalako proiektuetan. 

2022an bere lehen film labur profesionala filmatu zuen “Aita”; “Psikurt”, “Enkarzine”, “Lubling Film Festival”… bezalako jaialdi nazional eta internazionalietan hautatua izan zena. 2025ean, AUKERA programan sartu zen “Azken Uda” film-labur proiektuarekin.

Psikologikoki gure ingurumena sortzen duten lekuek eta pertsonek nola eragiten diguten aztertzea interesatzen zaio eta bere lanetan barne gatazketan murgilduta dauden pertsonaietan jartzen du begirada.