Jone Arriola

Jone Arriola Lobete (Elgoibar, 1998) Ikus Entzunezko komunikazioan lizentziatua da Euskal Herriko Unibertsitatean (UPV/EHU). Zine Zuzendaritza master bat ere burutu du Bartzelonako Bande A Part zine eskolan. 2021ean Larrugorritan deituriko gazteei zuzendutako fikziozko seriearen proposamena burutu zuen Tabakalerako 2DEO deialdiaren laguntzaz. Proiektuaren sortzailea da eta deialdi honen laguntzaz proiektua garatu eta teaserra burutu zuen gidoilari eta zuzendari modura. 2023an bere lehen film laburra burutu zuen Dena Asmatuta Dago deiturikoa. Katz Estudiok eta ECPVk ekoitzitako lana da. Zinebi64 zein Lesgaicinemad bezalako festibaletan hartu du parte eta Lekeitioko Zine Bileran Urrezko Antzarraren irabazlea izan zen. 2024an Hor Konpon deituriko bigarren film laburra burutu du, Zinebi64an izan zuen estreinaldia eta HuheZinema festbalean “Berria” saria jaso zuen.

Gaur egun gidoilari lanetan aritzen da, Pausoka edota Orio Produkzioak bezalako ekoiztetxeetan.