Paula Olaz

Paula Olaz (Iruña, 1989) espainiar konpositorea da eta zinema, telebista, antzerki, dantza eta bideojokoetarako soinu-banda originaletan dago espezializatuta. Bere lanaren ezaugarri nagusiak sormen artistikoa eta ikerketa zientifikoa dira.

20 film luze baino gehiagotarako musika originala konposatu du, eta espainiar zinema garaikidearen konpositore aktiboenetako bat bihurtu da. Bere lanik nabarmenenak honako hauek dira: ‘Raqa’ (Gerardo Herrero), ‘El bus de la Vida’ (Ibón Cormenzana), ‘Verano en Rojo’ (Belén Macías), ‘Alguien que cuide de mí’ (Elvira Lindo y Daniela Féjerman), ‘Las Buenas Compañías’ (Silvia Munt), ‘Bajo Terapia’ (Gerardo Herrero), ‘Nora’ (Lara Izagirre), ‘La Cima’ (Ibon Cormenzana) eta ‘Crónica de una tormenta’ (Mariana Barassi). 

Duela gutxi, ‘Alguien que cuide de mí’ filmean egindako lanagatik Jatorrizko Soinu Banda Onenaren Lorca Saria jaso zuen. Bere ibilbidean zehar, zazpi izendapen baino gehiago jaso ditu Goya sarirako Musika Original Onenaren kategorian, eta parte hartu duen hainbat film Oscar sarietarako aurre-hautatuak izan dira eta nazioarteko aintzatespena lortu dute.